Umhverfisverðlaun atvinnulífsins 2018

Umhverfisverðlaun atvinnulífsins verða afhent miðvikudaginn 17. október fyrirtækjum sem staðið hafa sig vel í umhverfismálum. Athöfnin fer fram í Hörpu á Umhverfisdegi atvinnulífsins. Forseti Íslands, Guðni Th. Jóhannesson, afhendir verðlaunin.

Óskað er eftir tilnefningum fyrir 14. september með tölvupósti á sa@sa.is merktum: „Tilnefning til umhverfisverðlauna atvinnulífsins“. Veitt verða tvenn verðlaun. Annars vegar verður
umhverfisfyrirtæki ársins og hins vegar framtak ársins verðlaunað.

Dómnefnd velur úr tilnefningum og mun meðal annars skoða eftirfarandi þætti:

Umhverfisfyrirtæki ársins

  • Hefur innleitt umhverfisstjórnunarkerfi
  • Hefur aflað viðurkenninga fyrir starfsemina/afurðirnar
  • Hefur sjálfbæra nýtingu í stefnu sinni
  • Hefur dregið úr úrgangi og nýtir aðföng vel
  • Innra umhverfi er öruggt
  • Áhættumat hefur verið gert fyrir starfsemina
  • Gengur lengra en lög og reglur segja til um til að draga úr neikvæðum áhrifum starfseminnar á umhverfið

 Framtak ársins

  • Hefur komið fram með nýjung – nýja vöru, þjónustu eða aðferð – sem hefur jákvæð umhverfisáhrif
  • Hefur efnt til athyglisverðs átaks til að draga úr umhverfisáhrifum af starfsemi sinni
  • Gagnast í baráttu við loftslagsbreytingar

Að Umhverfisdegi atvinnulífsins standa Samtök atvinnulífsins, Samorka, Samtök ferðaþjónustunnar, Samtök fjármálafyrirtækja, Samtök fyrirtækja í sjávarútvegi, Samtök iðnaðarins og Samtök verslunar og þjónustu.

Icelandair hótel voru valin umhverfisfyrirtæki ársins 2017


Landsnet átti framtak ársins á sviði loftslagsmála 2017 fyrir snjallnet á Austurlandi.

Sjá nánar hér

Umhverfisverðlaun atvinnulífsins voru fyrst afhent árið 2015. Þá fékk Steinullarverksmiðjan á Sauðárkróki umhverfisverðlaunin og Orka náttúrunnar fékk viðurkenningu fyrir framtak ársins. Þetta verður því í þriðja sinn sem verðlaunin verða veitt.

Smelltu hér til að horfa á alla dagskrána