Samtök atvinnulífsins liðsinna aðildarfyrirtækjum í því óvissustigi sem nú ríkir í Grindavík. SA leggja áherslu á að vera fyrirtækjum innan handar hvað varðar réttindi og skyldur gagnvart starfsmönnum, fylgjast með og miðla upplýsingum frá viðeigandi aðilum ásamt því að vera í sambandi við stjórnvöld.

Atvinnulífið mun finna fyrir þessum hamförum og afleiðingum þeirra eins og samfélagið allt. Nú reynir á samstöðu þjóðarinnar.

Við hvetjum öll fyrirtæki í Grindavík og hlutaðeigandi til að mæta á upplýsingafund okkar kl. 14:00 í dag sem boðaður var í tölvupósti til forsvarsmanna. Jón Örvar Bjarna­son, sviðsstjóri vá­trygg­inga­sviðs Nátt­úru­ham­fara­trygg­inga og Ragnar Árnason, forstöðumaður vinnumarkaðssviðs SA fara þar vel yfir stöðuna.

Hér má nálgast svör við algengum spurningum um réttindi og skyldur atvinnurekenda í náttúruhamförum . Síðan verður í stöðugri uppfærslu á næstu dögum og vikum.