1 MIN
Brú að bættum lífskjörum samþykkt af aðildarfyrirtækjum SA
![](https://images.prismic.io/samtok-atvinnulifsins/8bcabe39-45d0-4c5d-8945-f54c8de61f95_cover+-+kynning+br%C3%BA+a%C3%B0+b%C3%A6ttum.jpg?auto=compress,format)
Aðildarfyrirtæki Samtaka atvinnulífsins samþykktu kjarasamninga við Starfsgreinasamband Íslands (án Eflingar), VR, LÍV og Stéttarfélög iðn- og tæknifólks (Samiðn, RSÍ, VM, Matvís, Grafía) sem voru undirritaðir 3. og 11. desember. Þeir voru samþykktir með miklum meirihluta greiddra atkvæða. Kosningaþátttaka var góð, eða um 80% atkvæða skv. atkvæðaskrá.
Kjarasamningur SA við SGS var samþykktur af aðildarfélögum SGS með yfirgnæfandi meirihluta fyrr í dag. Kosningu meðal félagsmanna VR, LÍV, stéttarfélaga iðn- og tæknifólks og Verkalýðsfélags Grindavíkur lýkur 21. desember.
Launabreytingar SGS eru sem hér segir:
1. Kauptaxtar hækka sérstaklega og fylgir ný taxtatafla kjarasamningnum. Bil milli starfsaldursþrepa er aukið, sér í lagi vegna starfsmanna sem unnið hafa 5 ár í sama fyrirtæki (efsta þrep).
2. Launahækkun starfsmanna yfir töxtum er kr. 33.000.
3. Bónus og akkorð í fiskvinnslu hækkar um 8%. Aðrir kjaratengdir liðir kjarasamninga hækka um 5%.
Launabreytingar hjá VR/LÍV og iðn- og tæknifólki eru sem hér segir*:
1. Kauptaxtar hækka sérstaklega og fylgja nýjar taxtatöflur öllum kjarasamningum.
2. Laun starfsmanna yfir töxtum hækka um 6,75%, þó að hámarki um kr. 66.000.
3. Aðrir kjaratengdir liðir kjarasamninga hækka um 5% (t.d. fatapeningar).
* Kaupgjaldskrá vegna kjarasamninga SA við VR/LÍV og stéttarfélög iðnaðarmanna og tæknifólks eru birtar með fyrirvara um niðurstöðu atkvæðagreiðslu 21. desember 2022.
Á vinnumarkaðsvef SA má nálgast kjarasamningana og upplýsingaefni: