Samtök atvinnulífsins efna til námskeiðs um  notkun GRI staðla við gerð skýrslu fyrirtækja og stofnana um samfélagsábyrgð. Námskeiðið er haldið í samvinnu við FBRH Í London og Navigo. Námskeiðið er vottað af Global Reporting Initiative og fer fram í Húsi atvinnulífsins 9.-10. mars 2020.

Námskeiðsgjaldið er um 220 þúsund krónur (£1300). Aðildarfyrirtæki SA og Festu fá 10% afslátt. Athygli er vakin á að flest stéttarfélög styrkja þáttöku félagsmanna í námskeiði sem þessu.

Á námskeiðinu verður fjallað ítarlega um samfélagsábyrgð fyrirtækja og stofnana og mikilvægi þess að sýna ábyrgð í rekstri, að leggja áherslu á jákvæð áhrif á umhverfið, stjórnarhætti og samfélagið. 

Global Reporting Initiative, eða GRI staðlarnir, eru alþjóðlega viðurkenndir staðlar um miðlun upplýsinga um samfélagsábyrgð og eru notaðir í yfir 100 löndum. Um 80% af 250 stærstu fyrirtækjum heims nota GRI staðlana við gerð samfélagsskýrslna. GRI staðlarnir eru taldir víðtækustu og nákvæmustu staðlarnir til að halda utan um efnahagsleg, umhverfisleg og samfélagsáhrif fyrirtækja og stofnana. UN Global Compact og Nasdaq mæla með að nota staðlana. 

Markmið námskeiðsins er að þáttakendur öðlist þekkingu á hvernig hægt er að nýta staðlana sem verkfæri. Á þessu tveggja daga námskeiði munu þátttakendur fá ítarlega fræðslu um GRI hugmyndafræðina og  hvernig gera á samfélagsskýrslu sem byggð er á GRI stöðlunum:

  • Hvað GRI stendur fyrir og hvernig samfélagsskýrslur eru byggðar á GRI stöðlunum.
  • Greina hvaða áhrif fyrirtæki eða stofnun hefur á umhverfið, efnahag og samfélag.
  • Hvernig er hægt að nota GRI staðalana til að ná samkeppnisforskoti.
  • Hvernig GRI staðlarnir tengjast UN Global Compact, Nasdaq og heimsmarkmiðum Sameinuðu þjóðanna.
  • Að námskeiðinu loknu munu þátttakendur hafa öðlast þekkingu til að hefja undirbúning að gerð samfélagsskýrslu samkvæmt GRI stöðlunum.
  • Námskeiðið nýtist sem undirbúningur fyrir próf um GRI staðla hjá Global Reporting Initiative.

Leiðbeinendur

FBRH ráðgjafar hafa um árabil veitt ráðgjöf um samfélagsábyrgð og þjálfað starfsfólk fyrirtækja víða um heim í notkun GRI staðla við gerð samfélagsskýrslna. FBRH hafa öðlast vottun Global Reporting Initiative (GRI) og viðurkenningu frá Institute of Environmental Management and Assessment (IEMA) í Bretlandi.

Samtök atvinnulífsins eru tengiliður Íslands við UN Global Compact, Sáttmala Sameinuðu þjóðanna um samfélagsábyrgð.

Nánari upplýsingar veita: