Fundaröðin Atvinnulíf og umhverfi er í fullum gangi en næsti fundur verður fimmtudaginn 20. febrúar í Húsi atvinnulífsins. Þar verður fjallað um plast og nýsköpun í endurvinnslu. Áslaug Hulda Jónsdóttir hjá Pure North Recycling kemur í heimsókn og segir okkur allt um málið!

,,Endurvinnsla er fjárfesting til framtíðar. Við eigum að minnka notkun á plasti og endurvinna það. Tryggja að plast verði aftur plast. Það verður að setja hvata inn í kerfið sem hvetja til endurvinnslu á Íslandi! Atvinnulífið er að vakna. Jákvæðni og þátttaka í verkefni eins og Þjóðþrifum er gott dæmi um það," segir Áslaug Hulda hjá Pure North Recycling. 

Bein útsending verður frá fundinum í Sjónvarpi atvinnulífsins á www.sa.is og á Facebook-síðu samtakanna.

Boðið verður upp á fjölmarga snarpa fundi til næsta vors þar sem sagðar verða hvetjandi sögur af umhverfismálum fjölbreyttra fyrirtækja. Betri heimur byrjar heima er yfirskrift fundaraðarinnar 2019-2020.

Fundurinn fer fram í Húsi atvinnulífsins, í salnum Hyl á 1. hæð, kl. 8.30-9.00. Létt kaffispjall og umræður að loknum fundi fyrir þá gesti sem leggja leið sína í Borgartún 35.

SKRÁNING