Íslandsstofa vinnur að því ýta úr vör markaðs- og kynningarverkefni, sem nýta á þann mikla meðbyr sem líklegt er að landið njóti í aðdraganda heimsmeistaramótsins í knattspyrnu í Rússlandi.

Í verkefninu verða nýttir allir helstu miðlar í markaðsstarfinu á völdum mörkuðum í samráði við helstu hagsmunaaðila og stjórnvöld.

Opinn kynningarfundur verður haldinn þriðjudaginn 16. janúar kl. 11.00-12.30 á Hilton Reykjavík Nordica.

Markmið verkefnisins er að styrkja ímynd og orðspor Íslands erlendis, auka áhugann á íslenskum vörum og þjónustu og viðhalda þeirri jákvæðu þróun sem átt hefur sér stað undanfarin ár í komu erlendra gesta til landsins.

Á fundinum taka til máls Grímur Sæmundsen, formaður Samtaka ferðaþjónustunnar, Guðni Bergsson, formaður KSÍ, Sigurður Hannesson, framkvæmdastjóri Samtaka iðnaðarins, George Bryant, eigandi Brooklyn Brothers og Inga Hlín Pálsdóttir, forstöðumaður hjá Íslandsstofu.

Íslandsstofa kallar eftir þátttöku fyrirtækja í verkefnið, en stjórnvöld eru reiðubúin að leggja allt að 200 milljónir króna til verkefnisins að því gefnu að fyrirtækin komi með annað eins á móti – krónu á móti krónu. Verkefnið er unnið undir merkjum Inspired by Iceland.

Boðið verður upp á léttan hádegisverð að fundi loknum.

Allir velkomnir en nauðsynlegt er að skrá sig á vef Íslandsstofu.

Smelltu hér til að skrá þig