Menntadagur atvinnulífsins 2015 – skráning hafin

29. jan. 2015
Menntadagur atvinnulífsins 2015 – skráning hafin

Menntadagur atvinnulífsins  verður haldinn fimmtudaginn 19. febrúar  á Hilton Reykjavík Nordica. Menntun og fræðsla sem nýtist öllu atvinnulífinu verður þar í kastljósinu en að þessu sinni verður fjallað um deigluna í menntakerfinu, breytingar á starfsnámi, framlag fyrirtækja til menntamála og ávinning af menntun.

Dagskrá menntadagsins hefur nú verið birt er skráning í fullum gangi hér á vef SA. Það er vissara að tryggja sér sæti sem fyrst en hátt í 400 manns sóttu menntadaginn 2014. Allir eru velkomnir og er ekkert þátttökugjald.

Menntadagur atvinnulífsins er samstarfsverkefni SAF, SFF, SFS, Samorku, SI, SVÞ og SA. Í upphafi dagsins kl. 12.30 munu samtökin efna til málstofa þar sem samtökin kynna áherslur sínar í menntamálum og svara fyrirspurnum en kl. 14 hefst sameiginleg dagskrá sem stendur til kl. 16.30.

Gestur menntadagsins að þessu sinni er Henning Gade, forstöðumaður hjá DA, samtökum atvinnulífsins í Danmörku, en hann mun ræða um breytingar á starfsnámi í Danmörku sem taka gildi í haust og hvað Íslendingar geti af því lært.

Fulltrúar fyrirtækja munu ræða um stöðu mála og hvað megi gera betur og þá mun Illugi Gunnarsson, mennta- og menningarmálamálaráðherra ræða um viðhorf fyrirtækja til starfsmenntunar ásamt því að afhenda menntaverðlaun atvinnulífsins 2015.

Dagskrá menntadags atvinnulífsins 19. febrúar 2015

12.30 
Menntastofur samtaka í atvinnulífinu. 
SI, SFF, SVÞ, SAF, og SFS  kynna og ræða áherslur samtakanna.

Nánari upplýsingar um menntastofurnar

14.00  
Ávinningur menntunar.
Björgólfur Jóhannsson, formaður SA

14.10 
Breytt starfsnám Dana.
Henning Gade, forstöðumaður hjá DA, samtökum atvinnulífsins í Danmörku.

14:45  
Kaffi og með því.
Fræðslusjóðir og fræðsluaðilar kynna sig á menntatorgi.

15.15
Deiglan í menntakerfinu og breytingar á starfsnámi
Hvað segja fyrirtækin – hvernig líst þeim á – hvað vantar?

Sigurður Steinn Einarsson – starfsmaður Síldarvinnslunnar

Magnea Þórey Hjálmarsdóttir – framkvæmdastjóri Icelandair hótela.

Þórður Theodórsson – framkvæmdastjóri framleiðslu Marel        

15.45
Viðhorf fyrirtækja til starfsmenntunar
Illugi Gunnarsson, mennta- og menningarmálaráðherra

16.00                                
Menntaverðlaun atvinnulífsins 2015

Illugi Gunnarsson,  mennta- og menningarmálaráðherra afhendir verðlaunin.

Ráðstefnustjóri er Sigrún Ragna Ólafsdóttir, forstjóri VÍS.

Skráning

 

Skráning



Deila: